Beliniz ağrıyırsa, bunu etməyin! – revmatoloq

“Özünümüalicə” belində ağrı hiss edən adama baha başa gələ bilər.

Publika.az bildirir ki, bunu tanınmış həkim-revmatoloq, nevroloq Pavel Yevdokimenko söyləyir.

Mütəxəssis beldə kəskin sancılar başlayanda heç bir halda həmin nahiyəni masaj etməyi, yaxud qızdırmağı qəti məsləhət görmür, əksinə, bundan çəkinməyə çağırır.

Tanınmış həkim göstərir ki, deyilən davranış “özünümalicəyə” meyilli həvəskarların təmiz uydurması və kobud səhvidir. Bu cür “özünümalicə prosedurunun” 70 faizində beldə ağrılar daha da kəskinləşir, pasiyentin vəziyyəti ağırlaşır:

“Əgər belinizi dik tutmaq istəyirsinizsə, korset geyinin, yaxud it, dəvə tükündən bellik bağlayın. Bel ağrısına laqeyd yanaşmaq olmaz. Bəlkə o, fiziki işdən sonra əmələ gəlmiş fəqərə yırtığının əlamətidir? Xüsusilə yay fəslində insanların əksəriyyəti onurğada əzilmənin fəsadı sayılan kəskin ağrılardan əziyyət çəkir. Sanki belində nəsə sınıb. Belə halların 30 faizində ağrlar özü keçir. Yox əgər ağrı üç-dörd gün davam edərsə, mütləq MRT-dən keçməyiniz məsləhətdir”.