Sosial

Əsas dalğanı geridə qoymuşuq, ancaq arxayın olsaq, ikinci gələcək - Adil Qeybulla

27 Aprel 2020 23:26

"Virusun kuliminasiya həddini keçmişik. Ancaq pandemiyadan tam azad olunduğumuzu düşünüb arxayın hərəkət etsək, ikinci dalğa ola bilər".

Bunu Publika.az-a açıqlamasında professor Adil Qeybulla deyib.

Professor sosial izolyasiya tədbirlərinin vacibliyini vurğulayaraq, vətəndaşları arxayın olmamağa səsləyib: "Məhdudiyyətlərin yumşaldılması insanların sosial fəallığını artırmaq üçündür. Ancaq bu, gigiyena qaydalarını və sosial izolyasiya tədbirlərini pozmalıyıq anlamına gəlmir. İnsanlar maska taxmalı, sosial məsafəni gözləməlidir. Bunlar icbari olduğu üçün qaydaları ciddiyə almalıyıq.

İnsanlarımız anlamalıdır ki, onların azadlığı karantin tədbirlərini gözləməkdən və icra etməkdən asılıdır. Yenidən yoluxma halları olduğu təqdirdə, qaydalar sərtləşdirilə bilər. Ona görə də diqqətli olmağa davam etməliyik".

Məhərrəm Əliyev