Sosial
Strategiyada ƏSAS PRİORİTET əhalinin həssas qruplarına QAYĞIDIR - ekspert
“Qarşıdakı illərdə ölkədə qaziləri, əlilləri və şəhid ailələrini maraqlandıran sosial sığorta sisteminin tətbiqi genişləndiriləcək”.
Bu sozləri Publika.az saytına açıqlamasında iqtisadçı ekspert Eyyub Kərimli "Azərbaycan Respublikasının 2022─2026-cı illərdə sosial-iqtisadi inkişaf Strategiyası"nı şərh edərkən bildirib.
İnkişaf Strategiyasında vacib bir neçə məsələnin həllinin nəzərdə tutulduğunu vurğulayan ekspertin sözlərinə görə, sənəddə əsas diqqət qazilərin, şəhid ailələrinin və cəmiyyətin digər həssas təbəqələrinin sosial təminatının yaxşılaşdırılmasına yönəldilib:
“Bütün vətəndaşlar üçün ədalətli və əhatəli sosial müdafiə sisteminin qurulması diqqətdə saxlanılıb. Burdan aydın olur ki, pensiyaçılar üçün effektiv yığım, əhalinin aztəminatlı qrupları üçün zəruri ehtiyacların ödənilməsi, əlilliyi olan şəxslər üçün sosial yardımların əlçatanlığını artıracaq. Bütün bunlarla yanaşı, pensiya sisteminin dayanıqlılığınin gücləndirilməsi, qaziləri, əlilləri və şəhid ailələrini maraqlandıran sosial sığorta sisteminin tətbiqinin genişləndirilməsi də prioritet olacaq”.
Ekspert onu da qeyd etdi ki, Azərbaycanda pensiyanın minimum məbləğinin minimum əmək haqqının 75-80 faizi səviyyəsində saxlanılması nəzərdə tutulub:
“Bu o deməkdir ki, əməkhaqqı artdıqca, pensiyaların məbləği də artacaq. Ümumiyyətlə, əgər proqramda ölkənin sosial-iqtisadi inkişafı, yəni, orta hesabla illik 3-4 faizlik artım məqsəd kimi qarşıya qoyulubsa, bu, əhalinin gəlirlərində də öz əksini tapacaq".
Rövşən Ziya
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!