Xristian ailədə müsəlman uşaq 13 il zorlanıb - Məhkəmə Fransanı günahlandırdı

Avropa İnsan Hüquqları Məhkəməsi (AİHM) müsəlman uşağın 13 il ərzində himayədar ailədə zorlanması hadisəsində Fransanı günahlandırıb.

Publika.az xəbər verir ki, müsəlman ailəsində dünyaya gələn qız 1976-cı ildə, 5 yaşında "Yehovanın Şahidləri"nə mənsub olan xristian himayədar ailəyə övladlığa verilib. Xristian himayədar ailə uşağı övladlığa götürdüyünə görə “inanc azadlığı”nı qəbul edib. AİHM bildirib ki, Uşaq Sosial Xidmətləri həmin müddət ərzində xristian ailənin “dini neytrallıq müddəası”nı tətbiq edib-etməməklə bağlı prosesi nəzarətə götürmədiyi üçün “inanc azadlığı”prinsipini pozub.

Bundan əlavə, 13 il ərzində uşaq "himayədar ata" tərəfindən zorlanıb və cinsi zorakılığa məruz qalıb. Məhkəmə o qənaətə gəlib ki, Fransanın səlahiyyətli orqanları tərəfindən pis rəftarın aşkar edilməsi üçün qabaqlayıcı tədbirlər görülməyib.

Fransa hökuməti, qız yetkinlik yaşına çatdıqda məsələni məhkəməyə çatdırmaq tələbini rədd edərək, bunun "həddindən artıq formalizm" nümayişi olduğunu bildirib.

AİHM dini etiqad azadlığı və effektiv hüquqi müdafiə vasitəsi hüququnun pozduğunu bildirib və zərərçəkmişə dəymiş mənəvi ziyana görə 55 min avro ödənilməsi haqda qərar verib.

Ayşən Rəhim