Putindən Koçaryan sürprizi: Paşinyanı pis günlər gözləyir

Ermənistanın baş naziri vəzifəsini icra edən Nikol Paşinyanın Moskvaya səfərindən sonra Rusiya Prezidenti Vladimir Putinin hazırda həbsdə olan sabiq prezident Robert Koçaryanı Yeni il və Milad bayramı münasibətilə təbrik etməsi iki ölkənin münasibətlərinin gələcəyi üçün yaxşı heç nə vəd etmir.

Publika.az xəbər verir ki, bu sözlər erməni siyasi şərhçi Akop Badalyanın Ermənistanın “Lraqir.am” xəbər portalında yerləşdirilmiş analitik məqaləsində yer alıb.

Müəllif qeyd edir ki, Rusiya Prezidentinin Koçaryandan ötrü Ermənistanla münasibətləri pozacağı ehtimalının az olduğunu iddia etsə də, Yerevanda baş verənlər bunun tam əksini göstərir. Məsələ bundadır ki, sabiq prezidentin vəkillərinin dekabrın 26-da onun haqqında həbs-imkan tədbirinin dəyişdirilməsi müraciətinə rədd cavabı verilib. Məhkəmədə bunu “hakimin vaxtının olmaması” ilə izah ediblər.

“Putin və Paşinyan Koçaryanın həbsi haqqında danıdımı? Paşinyanla görüşdən sonra Putin Koçaryanı təbrik etməsi demarş təəssüratı yarada bilər. Amma digər tərəfdən bu onu bildirə bilər ki, Putin öz dostu üçün yaxşı heç nə ala bilmədi və ona mənəvi dəstəklə kifayətləndi”, - Badalyan yazıb.

Ömər