Bakı və İrəvan Vaşinqtona nə deyir? - Narışkin ABŞ-ın planını de-şifrə etdi

“ABŞ bütün cəbhələrdə təşəbbüsü itirir. Vaşinqton postsovet məkanında uğursuzluğa düçar olmağa başlayıb. Ermənistan və Azərbaycan da sülh danışıqlarında ABŞ və Avropa İttifaqına qulaq asmır”.

Publika.az xəbər verir ki, bu barədə Rusiya Xarici Kəşfiyyat Xidmətinin direktoru Sergey Narışkin “Kəşfiyyat” jurnalına müsahibəsində deyib.

Narışkin qeyd edib ki, ABŞ-ın Ukrayna ilə bağlı mövqeyi Vaşinqton tərəfindən qurulan bütün qlobal maliyyə və hərbi-siyasi sistemə dağıdıcı təsir göstərməyə başlayıb: “Onlar Yaxın Şərqdən tutmuş Asiya və Afrikaya qədər, bütün bölgələrdə tamamilə iflasa uğrayıblar”.

O, Cənubi Qafqaz və Moldovanın belə nümunələrdən olduğunu vurğulayıb: “Gürcüstanda hakim “Gürcü arzusu” partiyasının seçkilərdə qalib gəlməsinin qarşısını ala bilmədilər. Sandu seçkilərdə qalib gəlsə də, faktiki olaraq, Moldova cəmiyyətində dərin parçalanma ortaya çıxdı”.

Narışkinin fikrincə, bütün bunlara baxmayaraq, postsovet məkanı ABŞ və Böyük Britaniya kəşfiyyat xidmətlərinin hücumları üçün prioritet bölgə olaraq qalır.

Asif