• USD 1,7000 0,00% EUR 1,9719 -0,54%
    • GBP 2,3391 -0,18% RUB 0,0244 +0,82%

Tacir Şahmalıoğlu: “Gözümə qara eynək taxıb “taksovatlıq” etmişəm” - VİDEO

  • Xüsusi
  • 12 Oktyabr 2021 14:02
  • 3 276 Baxış
Tacir Şahmalıoğlu: “Gözümə qara eynək taxıb “taksovatlıq” etmişəm” - VİDEO

Həyatda elə insanam ki, qarışqanı da tapdalamıram, Allahın yaratdığıdır. İnsanlara olduğundan da artıq dəyər vermişəm. Heç vaxt aqressiv insan olmamışam, kinim yoxdur. Əkizlər bürcündənəm, biz kin saxlaya bilmirik. Kiminləsə mübahisəmiz ola bilər, 10 dəqiqədən sonra unuduram. Yaxşı oxuduğuma görə, bu sənətdə özümə qarşı paxıllıq hissi və aqressivlik hiss edirəm. Başqa elə bir düşmən qazanmamışam. Çox xoşbəxtəm ki, düşmən qazanmamışam, çünki düşmənli insan həyatda səksəkəli yaşayır.

Bu sözləri tanınmış müğənni Tacir Şahmalıoğlu Publika.az-a videomüsahibəsində deyib. Sənətçi bildirib ki, istər xanım, istərsə də kişi ifaçıları müəyyən zirvəyə yüksəlmək üçün ömrünü ona qurban verməlidir:

“Amma elə ifaçılar var ki, danışığı “protivniy”dir. Elə oxuyanlar havayı ömür xərcləyirlər. Əsl sənəti olan müğənnilər məşhur olana qədər qurban verməlidir. İndi insanların zövqü korlanıb, yaxşı musiqiyə qiymət verə bilmirlər. Yaxşı musiqiyə qiymət yoxdur. O qədər bayağı mahnılar çıxıb ki, milli musiqilərimiz çox az oxunur. Başqa-başqa millətlərin musiqiləri remiks olunur. Təmiz Azərbaycan musiqisi unudulur”.

Uzun həsrətdən sonra Şuşa səfərindən danışan müğənni qeyd edib ki, keçirdiyi hissi sözlə ifadə etmək olmur: “Amma həyəcandan və göz yaşlarımdan yanımda olan insanlar gördülər ki, nələr yaşadım. Bir anda özümü 76-cı illərdə hiss elədim. Həmin Şuşadır. Şuşa bir üzük qaşıdır, dəyişməyib. 14 yaşıma kimi olduğum yerlərin hamısını ziyarət etdim. Desəydilər, inanmazdım, həqiqətən Şuşada güclü işlər gedir, abadlaşma işləri aparılır. Əslində, Şuşaya tez də gedə bilərdim, amma bəzi insanlarda unutqanlıq var. İllərdir bu günü gözləyirdim və deyirdim ki, ilahi, canımı alma, ömür ver, gedim Şuşanı görüm, sonra ölüm.

Ağdamda isə baxmalı və görməli bir yer saxlamayıblar, hər yer dümdüzdür, daşa qədər talayıb aparıblar, yaşadığımız yeri müəyyən edə bilmirik. Dədə yurdumuz Kətəl çayının düz kənarında idi. Ağdam minalardan tam təmizlənəndən sonra gedib evimizi axtarıb tapacam. Əlbəttə ki, Ağdamı o vəziyyətdə görmək asan deyil, yurdu talan olunmuş insanam. Bilirəm ki, Ağdam əvvəlkindən də gözəl olacaq. Xalqımız buna qadir xalqdır”.

Aytən Məftun

Foto: Ceyhun Rəhimov

Video: Röyal Adıgözəlov

Montaj: Ramazan Vəliyev

Halal Nemət

Xəbər lenti

DAHA ÇOX XƏBƏR