Dünya
Poroşenkodan Krımla bağlı YENİ TƏKLİF: “Krımın statusu...”
Kiyev Krımın statusu üzrə yeni referendum keçirməyə hazırdır.
Publika.az UNİAN agentliyinə istinadən xəbər verir ki, bu haqda Ukrayna prezidenti Pyotr Poroşenko oktyabrın 11-i Strasburqda, Avropa Şurası Parlament Assambleyasının (AŞPA) sessiyasında çıxışı zamanı deyib.
“Mən Ukrayna Konstitusiyasına uyğun olaraq istənilən varianta hazıram. Ukrayna qanunlarına uyğun olaraq istənilən demokratik proseslər ola bilər”, - dövlət başçısı bildirib.
O əlavə edib ki, referendumun nəticələri Ukraynanın müstəqilliyi və ərazi bütövlüyünü pozmamalıdır.
Qeyd edək ki, daha əvvəl Çexiya prezidenti Miloş Zeman AŞPA-nın 10 oktyabr iclasında Krımın işğalı məsələsinə toxunub. Dövlət başçısı Rusiyanın Krımı ilhaq etməsinin qanunsuz olduğunu vurğulayıb, ancaq bununla barışmağa çağırıb: “Krım ilhaq olunub, bu şübhə doğurmur. Ancaq bu məsələ bitmiş məsələdir. Əgər biz Krımı götürüb Ukraynaya qaytarsaq, bu, Avropa müharibəsinə gətirəcək. Biz Avropa müharibəsindən qaçmalıyıq və siz də bunu başa düşməlisiniz”.
Çex lider bildirib ki, Moskva mübahisəni Kiyevə ödəniş etməklə nizamlaya bilər:
“Fikrimcə, Ukraynaya ya maddi, yaxud neft-qaz formasında kompensasiya ola bilər”.
Ukrayna prezidenti Petro Poroşenko isə Çexiya prezidentinə sərt cavab verib. O deyib ki, Krım məsələsindən “bitmiş məsələ” kimi danışmağı qəti şəkildə qəbul etmir.
Dövlət başçısı AŞPA tribunasının ərazilərin alqı-satqısı tribunası olmadığını vurğulayıb:
“Bu tribuna bizim dəyərlərin, prinsiplərin müdafiəsi üçün qurulub. İndi həmin dəyərlərin müdafiəsinə ciddi ehtiyac var”.
Ömər Dağlı
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb