Daha güclü qayıdacağıq - Lekler
Bizi izləyin

Daha güclü qayıdacağıq - Lekler

“Ferrari” komandasının pilotu Şarl Lekler bildirib ki, Monakoda komanda olaraq çox səhv ediblər.

Publika.az xəbər verir ki, monakolu pilot vətənindəki yarışa pouldan başlasa da, yenə də qələbə qazana bilməyib. Əvvəlki illərdən fərqli olaraq finişə çatan gənc sürücü 4-cü yeri tutub.

Şarl Lekler deyib ki, bəzən səhvlər olur, amma bu yarışda daha çox səhv buraxıblar: “Belə hallarda biz komandaya güvənirik, çünki maşının içində rəqiblərin quru və ya yaş təkərlə nə etdiklərini bilmirik. Məndən soruşdular ki, yağış təkərindən keçid təkərinə keçək? Mən də “hə, amma indi yox, bir az sonra” dedim. Daha sonra bilmirəm niyə fikirləri dəyişdi.

Məni tez pitə çağırdılar və Karlosun gerisinə düşdüm. Çox səhv oldu. Güclüyük və fürsətlərdən istifadə etməliyik. Birinci yerdən ikinciliyə yox, dördüncülüyə gerilədik. Komandamı sevirəm və daha güclü qayıdacağıq”.

Oxumağa davam et
Reklam
Reklam

Gündəm