Bilal Ərdoğan planları AÇIQLADI: "Azərbaycandakı dostlarımız da hazır idi..."

Ənənəvi idman oyunlarının güclü sənaye dəstəyi və gəliri yoxdur. Ona görə də bütün qüvvəmizi bir araya gətirib diqqətimizi ənənəvi idman növləri ətrafında birləşməyə yönəltməliyik".

Publika.az xəbər verir ki, bunu Türkiyənin Dünya Etnospor Konfederasiyasının (DEK) sədri Nəcməddin Bilal Ərdoğan deyib.

O bildirib ki, ənənəvi idman oyunları üçün 2018-ci ildən fəaliyyətə başlayıblar:

"Bundan əvvəl Qazaxıstanda toplandıq. Daha sonra düşündük ki, bu toplantıların birini Türkiyədə, digərini isə xaricdə edək. 2021-ci ildə forumu Azərbaycanda etmək istəyirdik. Oradakı dostlarımız da hazır idi, amma təəssüf ki, yeni tip koronavirus səbəbindən bunu edə bilmədik. Qlobal məhdudlaşdırmalara görə tədbiri onlayn keçirməyə qərar verdik.

Ənənəvi idman oyunları dünyası bağları gücləndirmək üçün bir fürsətdir. Məqsədimiz yalnız bu ənənələri qorumaq və davam etdirməklə məhdudlaşmayıb. Biz həm də bütün dünyadaki belə mədəni hadisələri təkrar hərəkətə gətirmək istəyirik. Biz birlikdə ənənəvi idman oyunlarını canlandırmaq üçün buradayıq".