ABŞ Konqresində Pelosi DÖVRÜ BİTDİ

Nümayəndələr Palatasının spikeri Nensi Pelosi bildirib ki, o, yerlərin əksəriyyətinin Respublikaçılar Partiyasının üzvlərinə məxsus olacağı tərkibin yeni variantında Demokratların lideri olmaqdan imtina edir.

Publika.az xəbər verir ki, o, bu bəyanatı noyabrın 17-də Konqresdəki iclasda verib.

"Fraksiyamıza böyük inamla mən yeni Konqresdə yenidən Demokratların lideri seçilməyəcəyəm. Mənim üçün yeni nəslin dərin hörmət etdiyim demokratik fraksiyaya rəhbərlik etməsinə şərait yaratmağın vaxtı çatıb", - Pelosi bildirib.

O, siyasətdən getmir və seçicilərinin maraqları naminə işləməyə davam etmək niyyətindədir.

"Hansı titula sahib olmağımdan asılı olmayaraq, mənim üçün San-Fransisko xalqını təmsil etməkdən böyük şərəf yoxdur. Heç vaxt düşünməzdim ki, evdar qadından Nümayəndələr Palatasının spikeri olacağam", - Pelosi deyib.

Xatırladaq ki, seçkilərin nəticələrinə görə, Respublikaçılar Demokratların 208 yerə qarşı 218 yer alaraq ABŞ Konqresinin Nümayəndələr Palatasına nəzarəti ələ keçiriblər.

Hüseyn İbadlı