ABŞ

ABŞ-da 150 il sonra yaşanan İLK: Pelosinin yeri yenə boş qaldı

6 Yanvar 2023 01:20

ABŞ Konqresinin Nümayəndələr Palatası yeddinci dəfə və üçüncü gün ardıcıl olaraq spiker seçə və işə başlaya bilməyib.

Publika.az xəbər verir ki, bu barədə RİA Novosti məlumat yayıb. Səsvermənin nəticələrinə görə, tələb olunan 218 səsdən 212-ni demokrat Hakim Cefris bir daha bütün fraksiya dəstəyini alaraq ən çox səs toplayıb. Seçkinin ilkin favoriti respublikaçı Kevin Makkartiyə verilən səslərin sayı yenidən azalaraq 201-ə çatıb, fraksiyadaxili müxalifətin 19 nümayəndəsi alternativ namizəd konqresmen Bayron Donaldsa səs verib.

Qeyd olunur ki, konqresmenlər palatanın yeni sədri seçilənə qədər and içə və vəzifələrinə başlaya bilməyəcəklər.

ABŞ tarixində ən uzun Nümayəndələr Palatasına sədr seçkiləri 1855-ci ilin dekabrından 1856-cı ilin fevralına qədər 2 ay davam edən seçkilərdə qeydə alınıb. Belə ki, həmin müddətdə sədrin müəyyən edilməsi üçün 133 dəfə səsvermə baş tutub.

Akqabay