ABŞ ELAN ETDİ: "Kifayət qədər nüvə qüvvələrimiz..."

ABŞ-ın Strateji Silahlı Qüvvələri Komandanlığı (STRATCOM) 2026-cı ildə istifadə müddəti bitdikdən sonra ABŞ-ın nüvə qüvvələri ilə bağlı məsələni nəzərdən keçirir.

Publika.az xarici KİV-ə istinadla xəbər verir ki, bu barədə STRATCOM-un komandiri Entoni Kotton məlumat verib.

"Mən deyərdim ki, komandanlıq hazırda bunu öyrənir, bizim qarşımıza çıxacaq çətinliklərin öhdəsindən gəlmək üçün kifayət qədər qüvvələrimizin və onların düzgün yerləşdirildiyini anlamağa çalışır", - o deyib.

Qeyd edək ki, iyulun 21-də Rusiya Federasiyasının Vyanadakı beynəlxalq təşkilatlar yanında daimi nümayəndəsi Mixail Ulyanov bildirib ki, hazırda nə ABŞ, nə də Rusiya tərəfindən Strateji Silahların Azaldılması Müqaviləsini denonsasiya etmək üçün heç bir əsas yoxdur.

Avqustun 6-da isə Rusiya Federasiyası Xarici İşlər Nazirliyinin rəhbərinin müavini Sergey Ryabkov bəyan edib ki, Moskva vaxtaşırı Vaşinqtonla silahlara nəzarət mövzusunda qiymətlər mübadiləsi aparır, lakin bu sahədə yeni heç nə yoxdur .

Hüseyn İbadlı