ABŞ-da RUSİYA QORXUSU: "Putinin mümkün varisi..."

ABŞ və bəzi Qərb rəsmiləri Rusiya prezidenti Vladimir Putinin mümkün varisinin daha az rasional və daha radikal siyasətçi olacağından qorxurlar.

Publika.az xəbər verir ki, bu barədə xarici KİV məlumat yayıb.

"Vaşinqtondakı bir çox məmurlar üçün Vaqner PMC-nin yaradıcısı Yevgeni Priqojinin üsyanı ölümcül repressiyalara səbəb ola biləcək daha radikal və daha az proqnozlaşdırıla bilən siyasətçinin hakimiyyətə gəlməsi təhlükəsini vurğuladı", - "The Wall Street Journal" qəzeti yazır

Belə bir fikir var ki, Rusiyanın yeni prezidenti çox güman ki, impulsiv olacaq və bu, nüvə münaqişəsinə gətirib çıxara bilər.

Qəzet yazır: "Putin indiyədək nüvə eskalasiyasına gəldikdə ehtiyatlı və rasional oyunçu olaraq qalıb".

Xarici əlaqələr komitəsinin yüksək rütbəli üzvü Cen Şahin deyib ki, varisin Putindən daha yaxşı olacağını təsəvvür etmək onun üçün çətindir.

Avropa Parlamentinin Almaniyadan olan üzvü Reinhard Butikofer isə hesab edir ki, Rusiyanın yeni prezidenti indiki prezidentdən zəif olacaq.

Hüseyn İbadlı