ABŞ

Konqres borc tavanının ləğvini tələb edir: Defoltun qarşısı alınmasa, ABŞ...

12 Dekabr 2024 13:06

Birləşmiş Ştatların Nəzarət və Büdcə İdarəsi Konqresi borc tavanını dərhal ləğv etməyə çağırıb.

Publika.az "RİA Novosti"yə istinadən xəbər verir ki, bu, ABŞ Hökumətinin Hesabatlılığı İdarəsinin (GAO) məlumatında yer alıb.

GAO borclanma səviyyələrini hökumətin gəlirləri və xərclərindəki dəyişikliklərlə əlaqələndirməyi tövsiyə edib.

“İnanırıq ki, ABŞ Konqresinin borc limitinin dərhal ləğvi məsələsini nəzərdən keçirmək, borcla əlaqədar qərarları gəlir və xərclərlə bağlı qərarlarla daha yaxşı əlaqələndirən yanaşma qəbul etmək öhdəliyi var”, - deyə hesabatda qeyd olunub.

Ekspertlər bildiriblər ki, ABŞ qanunlarına görə, borc tavanı yaxınlaşarsa, Konqres reaksiya verməyə borcludur. Xüsusilə hökumətin defoltunun qarşısını almağa kömək edəcək tədbirlər görməlidir.

Adəm Abbaslı