ABŞ

Bayden "TikTok"u Trampa tapşırdı: Taleyi necə olacaq?

17 Yanvar 2025 16:08

ABŞ-ın hazırkı prezidenti Co Bayden ölkədə "TikTok"un bloklanması ilə bağlı qərar qəbul etmək fikrində deyil və sosial şəbəkənin taleyini Amerika dövlətinin gələcək rəhbəri Donald Trampın öhdəsinə buraxacaq.

Publika.az xəbər verir ki, bu barədə "Associated Press" (AP) adı açıqlanmayan mənbəyə istinadən məlumat yayıb.

Bildirilir ki, Bayden administrasiyası sosial şəbəkənin mümkün bloklanması ilə bağlı yaranan problemi xələfinə həvalə etmək qərarına gəlib.

Qeyd edək ki, son zamanlar ABŞ-da "TikTok"un bloklanması geniş müzakirə olunur. 2024-cü ildə qəbul edilən qanuna görə, bu, yanvarın 19-da baş verməlidir. Eyni zamanda, yanvarın 20-də Trampın andiçmə mərasimi keçiriləcək.

Adəm Abbaslı