ABŞ

Trampın daha bir gizli planı sızdırıldı: Məşhur körfəzin adını dəyişir

20 Yanvar 2025 12:00

ABŞ-ın yeni seçilmiş prezidenti Donald Trampın Meksika körfəzinin adını dəyişmək fikrinə düşüb.

Publika.az xəbər verir ki, bu barədə məlumat “Fox News”a gizli mənbələrdən sızdırılıb.

“Amerika körfəzi” gözəl və uyğun addır”, – Amerika lideri planlarından danışarkən deyib.

Bundan əvvəl respublikaçı amerikalılara Ağ Evdə işin ilk günləri üçün planlarını açıqlayaraq prezidentlik tarixində “ən isti ilk həftə” olacağını bildirmişdi.

Mənbələr onun Oval kabinetə qayıdandan sonra 200-ə yaxın fərman imzalamaq niyyətində olduğunu təsdiqləyiblər.

Xüsusilə də mənbələrin məlumatına görə, Tramp prezident kimi ilk addım olaraq Meksika kanalının adını dəyişmək niyyətindədir.

Qeyd edək ki, bu gün Amerika prezidenti kimi and içəcək Donald Tramp əvvəllər bəzi ölkələri istila etmək qərarından da danışmışdı. Belə ki, Amerikanın yeni seçilmiş prezidenti Kanada və Qrenlandiyanı işğal edəcəyini açıqlamışdı.

Adəm Abbaslı