ABŞ

Trampın "Qızıl Günbəz"i elə qiymətə satılacaq ki...

12 Dekabr 2025 08:24

ABŞ Prezidenti Donald Trampın 175 milyard dollar dəyərində qiymətləndirdiyi "Qızıl Günbəz" raketdən müdafiə sisteminin dəyəri təxminən 1,1 trilyon dollar olacaq.

Publika.az xəbər verir ki, bu barədə "Bloomberg" agentliyi öz ekspert qiymətləndirmələrinə istinadla məlumat yayıb.

Qeyd edilib ki, agentliyin hesablamaları silah və müdafiə sistemlərinin dəyərinə əsaslanır, lakin əməliyyat xərclərini, personal xərclərini və kosmik tutucular kimi yeni texnologiyaların inkişafını əhatə etmir. Jurnalistlərin qeyd etdiyi kimi, bu amillər nəzərə alındıqda, layihənin ümumi dəyəri xeyli yüksək ola bilər.

Agentlik həmçinin yalnız bir düşmənin tammiqyaslı hücumunu dəf etmək üçün hazırlanmış daha məhdud raketdən müdafiə sisteminin dəyərini qiymətləndirərək, hətta bu variantın belə 844,4 milyard dollar tələb edəcəyi qənaətinə gəlib.

Hüseyn İbadlı