BMT ABŞ-ı tankeri azad etməyə çağırdı

BMT Nizamnaməsinin Dostları Qrupu Venesuela sahillərində neft tankerinin ələ keçirilməsindən sonra ABŞ-ın hərəkətlərini pisləyib və gəminin və heyətinin dərhal azad edilməsinə çağırıb.

Publika.az xəbər verir ki, bu barədə Venesuela xarici işlər naziri İvan Gilin "Telegram" kanalında dərc etdiyi kommünikedə deyilir.

Bildirilib ki, qrup bir tərəfdən Venesuela Bolivar Respublikasının dəniz və ticarət fəaliyyətlərində suveren hüquqlarına tam hörmət etməyə, digər tərəfdən isə gəminin, yükünün və saxlanılan bütün heyətin dərhal azad edilməsinə çağırır.

Daha əvvəl Donald Tramp Venesuela sahillərində böyük bir neft tankerinin ələ keçirildiyini açıqlamışdı. ABŞ-ın baş prokuroru Pam Bondi daha sonra aydınlaşdırıb ki, ABŞ hakimiyyəti ələ keçirilən tankerin Latın Amerikası ölkəsindən, eləcə də İrandan neft daşımaq üçün istifadə edildiyindən şübhələnir. Əməliyyat FTB, Daxili Təhlükəsizlik Təhqiqatları və ABŞ Sahil Mühafizəsi tərəfindən Müdafiə Nazirliyinin dəstəyi ilə həyata keçirilib.

Hüseyn İbadlı