Trampın yeni gəlini kimdir? - FOTOLAR

Xəbər verdiyimiz kimi, ABŞ prezidentinin oğlu Donald Trump model Bettina Andersonla nişanlandığını açıqlayıb.

Publika.az məşhur modellə bağlı maraqlı detalları təqdim edir:

Bettina Anderson 1986-cı ilin dekabrında Floridada dünyaya gəlib. 38 yaşı var. O, nüfuzlu ailənin üzvüdür - atası Harri Loy Anderson ABŞ-da ən gənc bank prezidenti olub, anası isə xeyriyyə fəaliyyəti ilə tanınır.

Bettina Kolumbiya Universitetində sənət tarixi üzrə təhsil alıb. Model kimi fəaliyyət göstərərək lüks brendlərlə əməkdaşlıq edib. Sosial mediada aktivdir və moda, həyat tərzi mövzularında məzmun paylaşır.

O, ailəsi ilə birlikdə "The Paradise Fund" adlı xeyriyyə təşkilatını qurub. Təşkilat təbii fəlakətlər zamanı yardımlar göstərir və ətraf mühitin qorunmasına diqqət yetirir. İndi bu qurum "Paradise NGO" adı ilə fəaliyyət göstərir və Bettina burada icraçı direktor kimi çalışır.

Anderson və kiçik Tramp arasındakı münasibətlər 2024-cü ilin avqust ayında mediada ilk dəfə yayılıb. Cütlük rəsmi tədbirlərdə də bir yerdə iştirak edib. Bettina bundan sonra daha çox diqqət mərkəzində olub. Cütlüyün nişan xəbəri isə ABŞ və dünya mediasında geniş əks-səda doğurub.

Publika.az