ABŞ

Tramp Ukraynaya səfərini ləğv etdi

29 Dekabr 2025 05:45

ABŞ Prezidenti Donald Tramp Ukraynaya səfərinə xüsusi ehtiyac görmür.

Publika.az xəbər verir ki, bunu Amerika lideri ukraynalı həmkarı Volodimir Zelenski ilə görüşündən sonra keçirilən mətbuat konfransında bildirib.

"Bunun lazım olub-olmayacağına əmin deyiləm, amma əgər bu, ayda 25.000 insanın həyatını xilas etməyə kömək edərsə, bunu etməyə hazır olardım", - Ağ Ev rəhbəri deyib.

Tramp əlavə edib ki, münaqişənin həlli üçün razılığa gəlmək istəyir və bunun üçün onun səfəri vacib deyil.

Tramp və Zelenski arasında görüş Florida ştatındakı Mar-a-Laqo iqamətgahında baş tutub. Ukrayna liderinin əvvəllər də bildirdiyi kimi, danışıqlar münaqişənin həlli üçün sülh planının bəndlərinin 10%-i üzrə razılığa gəlmək üçün zəruridir. O bildirib ki, bunlara ərazi məsələləri və Zaporojye Atom Elektrik Stansiyası üzərində nəzarət daxildir.

Hüseyn İbadlı