ABŞ

Trampdan Epşteyn açıqlaması

3 Fevral 2026 01:40

Mən Ceffri Epşteynlə dost deyildim və onun iyrənc adasında olmamışam.

Publika.az xəbər verir ki, bunu ABŞ Prezidenti Donald Tramp "Truth Social"dakı paylaşımında bildirib.

Amerika liderinin sözlərinə görə, Epşteyn və jurnalist Maykl Volf ona və ya prezidentliyinə zərər vermək üçün sui-qəsd hazırlayıblar.

Tramp radikal solçuların bir neçə üzvünü məhkəməyə verməyi planlaşdırdığını qeyd edib.

Qeyd edək ki, 30 yanvarda ABŞ Ədliyyə Nazirliyi pedofiliya, təcavüz və insan alverində ittiham olunan Ceffri Epşteynə qarşı iş üzrə 3 milyon səhifədən çox sənədin yayımlandığını elan edib. Dərc olunmuş materiallara maliyyəçinin cihazlarından götürülmüş 2000-dən çox video və 180 şəkil daxil edilib. "The New York Times" qəzeti sənədləri təhlil etdikdən sonra onlardan 5300-də Donald Trampa, eləcə də onunla əlaqəli şəxslərə və terminlərə 38 000-dən çox istinad olduğunu aşkarlayıb.

Ləman