Tramp ABŞ-ın hərbi qələbə qazandığını BƏYAN ETDİ

ABŞ Prezidenti Donald Tramp bildirib ki, İranla bağlı əməliyyat zamanı qarşıya qoyulan məqsədlərə nail olub, bu səbəbdən münaqişənin tənzimlənməsi üzrə razılaşma artıq o qədər də vacib deyil.

Publika.az xəbər verir ki, onun bəyanatını "The New York Times" nəşri yayıb.

“Hadisələrin necə inkişaf etməsindən asılı olmayaraq, biz qalib gəlirik”, - deyə prezident qeyd edib.

Tramp əlavə edib ki, onun fikrincə, ABŞ “onlar (İran) üzərində hərbi qələbə qazana bilib”.

Aprelin 11-də İslamabadda ABŞ və İran nümayəndə heyətləri arasında danışıqların üçüncü raundu başlayıb. Bu mərhələ Pakistan rəsmilərinin iştirakı ilə keçirilir və onlar vasitəçi rolunu oynayırlar.

Yaxın Şərqdə vəziyyətin tənzimlənməsi ilə bağlı İran və ABŞ arasında danışıqlar aprelin 11-də Pakistanın baş naziri Şahbaz Şərifin vasitəçiliyi ilə İslamabadda start götürüb. İran İslam Respublikasını danışıqlarda xarici işlər naziri Abbas Əraqçi və parlamentin spikeri Məhəmməd-Baqir Qalibaf təmsil edir.

Hüseyn İbadlı