Klinton Trampın Çində Putinə demədiyi şeyləri açıqladı: Hərəkətə keçmək vaxtıdır
Bizi izləyin

ABŞ

Klinton Trampın Çində Putinə demədiyi şeyləri açıqladı: Hərəkətə keçmək vaxtıdır

Klinton Trampın Çində Putinə demədiyi şeyləri açıqladı: Hərəkətə keçmək vaxtıdır

ABŞ-ın keçmiş dövlət katibi Hillari Klinton prezident Donald Tramp administrasiyasını Ukraynaya hərbi dəstəyi azaltmaqda ittiham edib.

Publika.az xəbər verir ki, Klinton “The New York Times” qəzetində dərc olunan məqaləsində ABŞ Konqresini Ukraynaya hərbi və kəşfiyyat dəstəyinin artırılması üçün təcili addımlar atmağa çağırıb.

O bildirib ki, Tramp Rusiya prezidenti Vladimir Putin və Çin lideri Si Cinpinlə görüşündə Ukraynaya qarşı hücumların dayandırılmasını tələb etməli, Rusiyanın hərbi sənayesinə dəstək verilməsinin nəticələri barədə Pekinə xəbərdarlıq etməli idi.

Klintonun sözlərinə görə, son aylarda Pentaqon Ukraynaya həyati əhəmiyyət daşıyan “Patriot” hava hücumundan müdafiə raketlərinin tədarükünü ləngidib. Bundan başqa, Kiyev “Starshield” peyk rabitəsi sistemi və ABŞ kəşfiyyat məlumatlarına çıxışda fasilələrlə üzləşib.

Keçmiş dövlət katibi qeyd edib ki, Ukraynanın Rusiya ballistik raketlərinə qarşı müdafiə imkanları məhduddur. Onun sözlərinə görə, ölkənin bu sahədə öz texnologiyasını hazırlaması 2027-ci ilin ortalarına qədər vaxt apara bilər. Buna görə də Kiyevin hazırda ABŞ istehsalı olan “Patriot” raketlərinə ehtiyacı var.

Klinton ABŞ Konqresini Ukraynaya kəşfiyyat məlumatlarının ötürülməsinin davam etdirilməsinə, “Patriot” raketlərinin tədarükü üçün dəqiq qrafikin müəyyənləşdirilməsinə və “Starlink”ə çıxışın genişləndirilməsinə nail olmağa çağırıb.

O, həmçinin qarşıdan gələn qış aylarında Ukraynaya humanitar yardımın artırılmasının vacibliyini vurğulayıb.

“İndi sakitləşmək deyil, hərəkətə keçmək vaxtıdır”, - deyə Klinton fikrini yekunlaşdırıb.

Akqabay

Oxumağa davam et
Reklam
Reklam

Gündəm