• USD 1,7000 0,00% EUR 1,8355 -0,31%
    • GBP 2,2103 +0,05% RUB 0,0266 -0,75%

Mixail Qusmanın "Hakimiyyət formulu" və "Həyat formulu" kitablarının təqdimatı keçirildi - FOTO

  • Art
  • 25 Yanvar 2020 23:25
Mixail Qusmanın "Hakimiyyət formulu" və "Həyat formulu" kitablarının təqdimatı keçirildi - FOTO

Yanvarın 25-də "Moskva-Bakı: mədəniyyətlərin dialoqu" konfransı çərçivəsində Bakı Kitab Mərkəzində TASS İnformasiya Agentliyi baş direktorunun birinci müavini, Rusiya Federasiyasının Əməkdar jurnalisti Mixail Qusmanın “Hakimiyyət formulu” və "Həyat formulu" kitablarının təqdimatı olub.

Publika.az xəbər verir ki, mərasimdə Mədəniyyət naziri Əbülfəs Qarayev, dövlət nümayəndələri, tanınmış mədəniyyət və incəsənət xadimləri iştirak ediblər.

Tədbirdə çıxış edən Azərbaycanın Rusiyadakı fövqəladə və səlahiyyətli səfiri Polad Bülbüloğlu paytaxtımızda keçirilən “Bakı-Moskva: mədəniyyətlərin dialoqu” konfransını yüksək dəyərləndirib. Bildirib ki, Azərbaycanla Rusiya arasında uğurla inkişaf edən münasibətlər bir çox istiqamətləri, o cümlədən humanitar sferanı, mədəniyyət, elm, təhsil sahələrində əməkdaşlığı əhatə edir.

Kitabların müəllifini 70 illik yubileyi münasibətilə təbrik edən səfir diqqətə çatdırıb ki, Mixail Qusman və qardaşı, respublikamızın Xalq artisti Yuli Qusman doğulduqları şəhərə, Azərbaycana hər zaman böyük sevgi və bağlılıq nümayiş etdirirlər.

Xalq yazıçısı Anar çıxış edərək Mixail Qusmanı yubiley münasibətilə təbrik etdi, ona xoş sözlərini bildirdi, yubilyara öz kitablarına hədiyyə edib.

Xalq artisti Fərhad Bədəlbəyli yubilyarın təqdim olunan hər iki kitabı ən səmimi hisslər üzərində qələmə aldığını vurğulayıb. Bildirib ki, “Həyat formulu” kitabında anası və atası ilə bağlı xatirələri yer alıb və kitabdakı təsvir olunan mühit bizim hər birimizə doğmadır.

Mixail Qusmanın qardaşı Yuli Qusman çıxışında vurğulayıb ki, “Bakı-Moskva: mədəniyyətlərin dialoqu” konfransı Azərbaycan və Rusiya xalqları arasında olan əlaqələrin daha da möhkəmlənməsinə xidmət edir. O, konfrans çərçivəsində kitabların təqdimatını və insanların bu tədbirə böyük maraq göstərməsini həm də Qusman qardaşlarının Bakıya sevgisinin nəticəsi kimi qiymətləndirib.

Sonda Mixail Qusman tədbirə qatılanlara təşəkkürünü bildirdi və kitablarını imzalayaraq iştirakçılara hədiyyə edib.

Halal Nemət

Xəbər lenti

DAHA ÇOX XƏBƏR