Avropa İttifaqı şok hesabat açıqladı - Hər il narkotikə 3 milyard avro xərcləyirlər

PKK terror təşkilatı Avropada mütəşəkkil cinayət və narkotik qaçaqmalçılığında iştirak edir.

Publika.az xəbər verir ki, bu barədə Avropa İttifaqının 2019-cu il üzrə Narkotik Bazar Hesabatında deyilir.

Narkotik və Narkomaniya üzrə Avropa Monitorinq Mərkəzi (EMCDDA) və Avropol tərəfindən hazırlanan hesabatda hər il avropalıların narkotik maddələrə pərakəndə səviyyədə ən az 30 milyard avro xərclədiyi bildirilib. Qeyd olunub ki, bu durum narkotik bazarını Avropa İttifaqındakı mütəşəkkil cinayətkar təşkilatlar üçün əhəmiyyətli gəlir qaynağına çevirir.

Həmçinin, hesabatda 2002-ci ildən bəri Avropa İttifaqının terror təşkilatları siyahısında yer alan PKK-nın ittifaqda mütəşəkkil cinayət və narkotik ticarəti ilə məşğul olduğu vurğulanıb.

Daha əvvəlki hesabatda PKK-nın narkotikdən illik 1,5 - 3 milyard avro gəlir əldə etdiyi bildirilmişdi. Uşaqları və gəncləri narkotik bataqlığına sürükləyən terror təşkilatı qazandığı pulla silah alır.

Balkan yarımadasının heroin maddəsinin Avropaya keçirilməsində əsas istiqamət olduğunu bildirən sənəddə “bu səbəbdən Türkiyə heroinin Avropa İttifaqı bazarına çatdırılmasının qarşısını almaqda böyük əhəmiyyətə sahibdir” sözləri vurğulanıb.

Zümrüd