Putinlə Zelenski arasında maraqlı dialoq: “Hamısı çıxsın...”

Ötən gün Fransanın paytaxtı Parisdə baş tutan Normandiya Zirvəsində maraqlı anlar yaşanıb.

Publika.az xəbər verir ki, ilk dəfə bir araya gələn Rusiya prezidenti Vladimir Putinlə ukraynalı həmkarı Vladimir Zelenski arasındakı dialoq, mətbuat nümayəndələrinin diqqətindən yayınmayıb.

Toplantının başlamasına dəqiqələr qalmış, masa başında ikən Putin Zelenskiyə “hamısı çıxsın, danışarıq” deyib.

Qeyd edək ki, Putinlə Zelenskinin təkbətək görüşü cəmi 15 dəqiqə davam edib. Bu barədə Yelisey Sarayı məlumat yayıb.

Vladimir Putin ilk açıqlamasında Zelenski ilə görüşdən razı qaldığını bildirib. Zelenski də öz növbəsində görüşü “çox uğurlu” adlandırıb.

Genişformatlı görüş zamanı Ukraynadan qaz nəqli də müzakirə edilib. Daha sonra liderlər şam yeməyində söhbəti davam etdiriblər.

Zelenskinin ofisindən danışıqların davam etdiyi qeyd edilib. Prezidentin mətbuat katibi görüşdə Krım məsələsinin müzakirə edilmədiyini bildirib.

Xatırladaq ki, Normandiya Zirvəsinə Almaniya, Fransa, Rusiya və Ukrayna liderləri qatılır.

Zümrüd