Avropa

Berlindən Ukrayna üçün uzunmüddətli PLAN: yaxın vaxtlarda başlanılır - FOTO

27 İyul 2022 21:36

Berlin Ukrayna hakimiyyətinə 1,7 milyard avro dəyərində 100 alman istehsalı olan haubitsa satmağı planlaşdırır.

Publika.az xəbər verir ki, bu barədə “Spiegel” yazır.

"Krauss - Maffei Wegmann" silah konsernindən olan mənbə qeyd edir ki, hələ aprel ayında Ukrayna KMW-dən haubitsaları birbaşa istehsalçıdan almaq imkanını istədi. KMW dərhal müvafiq təklif təqdim etdi.

“Spiegel” qeyd edir ki, konserni artıq 100 ədəd “Panzerhaubitze2000” haubitsasının istehsalı üçün icazə sorğusu göndərib və yaxın vaxtlarda lazımi silahların yaradılmasına başlayacaq.

"Bütün haubitsaların istehsalının bir neçə il çəkəcəyi gözlənilir, ona görə də söhbət Ukrayna ordusunun uzunmüddətli gücləndirilməsindən gedir", - nəşr əlavə edir.

Hüseyn İbadlı