Avropa

Ermənistan prezidenti Britaniyada RƏZİL OLDU: vida mərasimində bu əməlinə görə...

18 Sentyabr 2022 18:48

Ermənistan prezidenti Vaaqn Xaçaturyan Böyük Britaniya kraliçası II Yelizaveta ilə Londonda Vestminster sarayında keçirilən vida mərasimində qaydaları pozmaqda ittiham edilib.

Publika.az xəbər verir ki, bu barədə "The Sun" məlumat yayıb.

Nəşrin materialında deyilir ki, Xaçaturyanın kraliçanın tabutu yanında şəkil çəkdirib ki, bununla da monarxla vidalaşma qaydalarını pozub. Qəzet yazır ki, bu şəkil onun köməkçilərindən biri tərəfindən sentyabrın 18-də səhər saatlarında çəkilib.

Məqalədə o da qeyd olunur ki, bu hadisə II Yelizaveta ilə vidalaşma zamanı fotoqrafiya qadağasının pozulması ilə bağlı ilk hadisədir.

Xatırladaq ki, Böyük Britaniya kraliçası II Yelizaveta sentyabrın 8 -də 96 yaşında vəfat edib. Dəfn mərasimi sentyabrın 19-da olacaq.

Hüseyn İbadlı