Avropa

II Elizabetin qəbrinin ilk görüntüsü yayıldı - FOTO

25 Sentyabr 2022 14:50

Mərhum Britaniya kraliçası II Elizabetin məzar daşının fotosu yayılıb.

Publika.az xəbər verir ki, foto Bukinqem sarayı tərəfindən paylaşılıb.

"The Guardian" yazır ki, Bukinqem Sarayı gələn həftə ziyarətçiləri yenidən qarşılamağa başlayacaq Windsor qəsrinin yenidən açılışı ərəfəsində çiçəklər və çələnglərlə əhatə olunmuş məzarın şəklini yayımlayıb.

Məzar daşının üzərində Kraliçadan başqa (II Elizabet 1926-2022) eyni məzarda dəfn edilən yaxınları - atası Georq VI 1895-1952, anası Elizabet 1900-2002, həyat yoldaşı Filipp 1921-2021 yazılıb. Həmçinin lövhənin altında monarxın bacısı Şahzadə Marqaretin külü basdırılıb, lakin onun adı daşın üzərində qeyd edilməyib.

Keçmiş məzar daşında 2002-ci ildə vəfat edən şahzadə Marqaretin yox, VI George və həyat yoldaşının adları qızıl hərflərlə həkk olunub.