Avropa

İngiltərə bu ölkənin müstəqil olmasına icazə vermədi

23 Noyabr 2022 15:35

Böyük Britaniyanın Ali Məhkəməsi Şotlandiyanın rəsmi Londonun icazəsi olmadan müstəqillik haqda referendum keçirməsinə icazə verməyib.

Publika.az xəbər verir ki, bu barədə “Associated Press” məlumat yayıb.

Ali Məhkəmə Şotlandiya parlamentinin “Şotlandiyanın müstəqilliyi ilə bağlı referendum keçirmək üçün qanunvericilik səlahiyyətinin olmadığı” haqda qərar çıxarıb. Britaniya hökuməti bu məsələnin 2014-cü ildəki referendumda həll edildiyini, Şotlandiya seçicilərinin müstəqilliyi rədd etdiyini açıqlayıb.

Qeyd edək ki, “Ekspress” qəzeti kraliça II Yelizavetanın ölümündən sonra Şotlandiyanın Birləşmiş Krallıqdan ayrılmasını dəstəkləyənlərin sayının 49 faizdən 42 faizə düşdüyünü yazıb.

2014-cü ildə keçirilən referendumda şotlandların 55 faizi Britaniya ilə ittifaqın saxlanılmasının tərəfdarı kimi çıxış edib. Lakin Şotlandiya Milli Partiyası Böyük Britaniyanın Avropa İttifaqından çıxmasından sonra ikinci səsvermənin keçirilməsində israr edir.

Asif