Korrupsiya qalmaqalına görə Avropa Parlamentinin 10 ofisi möhürləndi

Strasburqda təhlükəsizlik xidməti strukturun keçmiş vitse-prezidenti Eva Kaili və Qətərlə bağlı korrupsiya qalmaqalına görə Avropa Parlamentinin on ofisini möhürləyib.

Publika.az xəbər verir ki, Politico qəzeti yazır.

Kailidən svayı artıq üç nəfər həbs edilib - bundan əlavə, Avropa Parlamentinin prezidenti Roberta Metsola daxili araşdırmaya başlandığını və Avropa Parlamentinin deputatlarının digər ölkələr və nüfuzlu şəxslərlə münasibətlərinə nəzarəti gücləndirmək üçün islahatlara başlanıldığını elan edib.

Dekabrın 11-də məlum olub ki, Avropa Parlamentinin vitse-prezidenti, yunan siyasətçisi Eva Kaili və daha 3 nəfər Qətərdə keçirilən futbol üzrə dünya çempionatı zamanı korrupsiya faktı ilə bağlı ittiham olunaraq həbs ediliblər.

Bundan əvvəl Avropa Parlamentinin Fransada keçirilən plenar iclasında deputatlar böyük korrupsiya qalmaqalı fonunda Avropa Parlamentinin vitse-prezidenti Eva Kailinin vəzifəsindən azad edilməsinin lehinə mütləq səs çoxluğu ilə səs veriblər.

Ayşən