Avropa

“Challenger 2” tankları Ukraynaya göndərildi

16 Yanvar 2023 23:45

Böyük Britaniyanın müdafiə naziri Ben Uolles “Challenger 2” tanklarının Ukraynaya göndərildiyini təsdiqləyib.

Publika.az xəbər verir ki, bu barədə "Reuters" məlumat yayıb. Agentliyin məlumatına görə, göndərilən tankların sayı 14-dür.

Bundan əlavə, Ukrayna Silahlı Qüvvələri bərpa maşınları, səkkiz AS90 silahı, "yüzlərlə" zirehli və qorunan maşın, o cümlədən Bulldog zirehli personal daşıyıcıları, maneə maşınları, bir neçə onlarla PUA, 100 000 artilleriya patronu və yüzlərlə mürəkkəb raketlər, idarə olunan çoxsaylı buraxılış raket sistemi (GMLRS), Starstreak zenit sistemləri və orta mənzilli hava hücumundan müdafiə raketləri alacaq.