Estoniya kasset bombalarını Ukraynaya ötürməyi düşünür

Estoniya Ukraynaya kasset bombaları göndərməyi düşünür.

Publika.az xəbər verir ki, bu barədə ERR məlumat yayıb.

Söhbət Almaniyanın "Rheinmetall" silah zavodunda istehsal olunan DM-632 artilleriya mərmilərindən gedir. Nəşrin yazdığına görə, Estoniya anbarlarında minlərlə belə mərmi var. Müdafiə naziri Hanno Pevkur təsdiqləyib ki, keçən həftə hökumətin Ukraynaya göndərdiyi qərara aldığı yeni silahlar arasında 155 mm-lik artilleriya sursatı olub.

“Biz lazım olan müxtəlif icazələri almağa çalışacağıq. Yalnız bundan sonra tədarüklərlə bağlı nə olacağına dair şərh verə biləcəyik”, - Pevkur bildirib.

Kasset bombaları adını fransız “cassette” – “yeşik” sözündən götürüb və bu, sursatın tipini müəyyən edən əsas detaldır. Burada 1 bombanın - kassetin içinə 100, bəzən daha çox kiçik bombacıqlar yerləşdirilir, partlayış anında bombanın dağıdıcı, məhvedici gücü dəfələrlə artmış olur. Kasset bombalarının tank əleyhinə, piyada əleyhinə, yandırıcı və sairə növləri var.

Aytən Məftun