Almaniyanı iflic edəcək tətil başladı

Almaniyada bu gecə yarısından etibarən, bütün milli nəqliyyat sənayesini iflic edən kütləvi tətil başlayıb. Hava limanları, dəmir yolu, dəniz nəqliyyatı, avtomobil şirkətləri, yerli nəqliyyat işçiləri 24 saatlıq tətil etmək niyyətindədirlər.

Publika.az xəbər verir ki, bu barədə AFP məlumat yayıb.

Nəşrin yazdığına görə, bu kütləvi aksiya Almaniyada artan sosial gərginlik kontekstinin bir hissəsidir, burada ilin əvvəlindən aşağı maaşlara görə tətillər tez-tez baş verir. Tətildə məktəb və xəstəxana, poçt işçiləri iştirak edir. “Meqastrike” artıq alman mətbuatının da adlandırdığı kimi, Avropanın ən böyük iqtisadiyyatına təsir edir, burada bir ildən çoxdur ki, qiymətlər artır və fevralda inflyasiya 8,7 faizə çatıb.

Həmkarlar ittifaqları maaşların 10 faizdən çox artırılmasını tələb edirlər. İşəgötürənlər - federal idarələr, bələdiyyələr, dövlət şirkətləri - 1000 və 1500 avroluq iki tək ödənişlə 5% əlavə ödəniş təklif edirlər.

Almaniyanın 2 ən böyük həmkarlar ittifaqı "EVG" və "Ver.di" “işçilərin geniş səfərbərliyini” gözləyir. Dəmir yolu şirkəti "Deutsche Bahn", fasilələrin də çox əhəmiyyətli olacağı barədə xəbərdarlıq edərək qərara gəlib ki, bu gün magistral nəqliyyat tamamilə dayandırılsın.

AFP-yə müsahibə verən DIW iqtisadiyyat institutunun eksperti Karl Brenke bildirib: “Son on ildə Almaniyada əvvəlki onilliklərə nisbətən daha çox tətillər olub. 2000-ci illərin sonlarından bəri ölkə işçi çatışmazlığından əziyyət çəkir. Bu da həmkarlar ittifaqlarını danışıqlarda "güclü" edir".

Ayşən