Rusiya Ukraynanın nə qədər ərazisini işğal edib? - Britaniya kəşfiyyatından ŞOK RƏQƏMLƏR

Rusiya qoşunları iyulda Ukrayna ərazisinin təxminən 500-550 kvadrat kilometrini ələ keçirmiş ola bilər. Ruslar iyunda da eyni miqdarda ərazini işğal ediblər.

Publika.az xəbər verir ki, bu barədə Britaniya Müdafiə Nazirliyi "X" hesabında məlumat yayıb.

Analitiklərin fikrincə, iyun və iyul aylarında işğal qüvvələri 2025-ci ilin martından bu yana aylıq artımlardan sonra Ukraynada 500-550 kvadrat kilometr ərazini ələ keçirib.

Rusiya qoşunları Donetsk vilayətində, ilk növbədə Pokrovskdan şimal-şərq və cənub-qərb istiqamətində taktiki irəliləyişlərini davam etdiriblər.

Kəşfiyyatçıların fikrincə, son iki həftə ərzində ruslar Sumı bölgəsində heç bir ciddi qazanc əldə etməyiblər. Daimi itkilər və Ukraynanın əks-hücumları, yəqin ki, Rusiyanın bufer zona yaratmaq planlarını alt-üst edib.

Qeyd edilib ki, Rusiyanın Sumı vilayətindəki 51-ci Hava Desant Alayının bölmələri əmrləri yerinə yetirməkdən boyun qaçırır, əvvəlki hesabatlarda piyadaların ağır itkilərə səbəb olan hücumlarını əmr edən komandirlərə qarşı şikayətlərə işarə edildiyi bildirilir.

Hüseyn İbadlı