Trampın kürəkəninin Serbiya planı puç oldu
Bizi izləyin

Avropa

Trampın kürəkəninin Serbiya planı puç oldu

Trampın kürəkəninin Serbiya planı puç oldu

Serbiya hökuməti ABŞ Prezidenti Donald Trampın kürəkəni Cared Kuşnerə məxsus şirkətlə Belqradda “Trump Towers” kompleksinin tikintisinə dair müqaviləni ləğv edib.

Publika.az xəbər verir ki, bu barədə Serbiyanın tikinti naziri Aleksandra Sofroniyeviçin açıqlamasına istinadla “Rzeczpospolita” məlumat yayıb.

Nəşrin məlumatına görə, müqavilə 1999-cu ildə NATO-nun bombardmanları nəticəsində dağıdılmış Baş Qərargah binasının yerində kazino, hotel və yaşayış sahələrindən ibarət lüks kompleksin tikintisini nəzərdə tuturdu. Layihə ekspertlərin və şəhər sakinlərinin etirazlarına səbəb olub.

Portalın yazdığına görə, 2024-cü ilin noyabrında hökumət binanın mühafizə statusunu ləğv edib və bununla da onun sökülməsinə yol açılıb. Prokurorluq bu qərarı qanunsuz hesab edir.

“Vreme” nəşrinin iddiasına görə, müqavilə tərəflərin bir-birinə qarşı heç bir iddiası olmadan ləğv edilir. Tərəflər mümkün olan bütün tələblərindən imtina ediblər. Bu isə Serbiyanın beynəlxalq arbitraj məhkəməsi ilə üzləşməyəcəyi və cərimə ödəməyəcəyi deməkdir.

Hüseyn İbadlı

Oxumağa davam et
Reklam
Reklam

Gündəm