Avropaya üz tutan miqrantlar Afrikaya göndəriləcək - Beş ölkədən qərar
Bizi izləyin

Avropa

Avropaya üz tutan miqrantlar Afrikaya göndəriləcək - Beş ölkədən qərar

Avropaya üz tutan miqrantlar Afrikaya göndəriləcək - Beş ölkədən qərar

Danimarka, Almaniya, Avstriya, Niderland və Yunanıstan sığınacaq müraciətləri rədd edilmiş miqrantlar üçün Ruandada mərkəz yaradılması barədə razılığa gəliblər.

Publika.az xəbər verir ki, ölkələr yaxın vaxtlarda Ruanda hakimiyyəti ilə danışıqlara başlayacaqlar. Mərkəzə öz ölkələrinə qaytarılması mümkün olmayan miqrantların göndərilməsi nəzərdə tutulur.

Danimarkanın Baş naziri Mette Frederiksen təşəbbüsü Avropada sərhəd nəzarətinin gücləndirilməsi və sığınacaq sisteminin islahatı baxımından mühüm addım adlandırıb.

Lakin insan hüquqları təşkilatları miqrantların Ruandada hüquqi qeyri-müəyyənlik şəraitində uzun müddət qala biləcəyindən narahatdırlar.

Qeyd edək ki, Danimarka noyabrın 23-də Ruanda ilə əməkdaşlıq və investisiyaların genişləndirilməsinə dair saziş imzalamağı planlaşdırır. Xarici işlər naziri Lars Lökke Rasmussen ilk miqrantların 2027-ci ildə göndərilə biləcəyini bildirib.

Norveçin Tərəqqi Partiyası da təşəbbüsə qoşulmağa çağıraraq ölkəsinin sazişin altıncı iştirakçısı olmasını tələb edib.

Ləman

Oxumağa davam et
Reklam
Reklam

Gündəm