Kriminal

DYP postunda saxlanılan KİA-dan silah-sursat çıxdı - FOTO

23 Dekabr 2021 13:09

Hacıqabulda postda avtomobildən silah-sursat, beşbarmaq götürülüb.

Bu barədə Publika.az-a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, DİN-in Baş Dövlət Yol Polisi İdarəsi və Hacıqabul Rayon Polis Şöbəsi əməkdaşlarının daxil olan məlumat əsasında birgə keçirdikləri əməliyyat tədbiri nəticəsində dekabrın 22-də Abşeron rayon sakini, əvvəllər məhkum olunmuş M.Həsənovun idarə etdiyi “KİA” markalı avtomobil Hacıqabul rayonunun Nəvahi qəsəbəsi ərazisində yerləşən postda saxlanılıb.

Polis əməkdaşları tərəfindən avtomobilə baxış zamanı oradan lüləsi kəsilmiş ov tüfəngi, 3 ədəd patron, 1 ədəd “Blow Nagnum” markalı idman tapançası, ona aid daraq, 1 ədəd patron, 1 ədəd beşbarmaq və 1 ədəd ov bıçağı aşkar edilərək götürülüb.

Araşdırma aparılır.