Azərbaycan çempionatının oyunundan sonra azarkeş bıçaqlandı
Bizi izləyin

Kriminal

Azərbaycan çempionatının oyunundan sonra azarkeş bıçaqlandı

Azərbaycan Premyer Liqasının XX turunda keçirilmiş “Səbail” - “Kəpəz” oyunundan sonra azarkeş bıçaqlanıb.

Klubdan Publika.az-a verilən məlumata görə, hadisə final fitindən sonra matçın oynanıldığı “ASCO Arena”nın yaxınlığında baş verib.

Əvvəlcə iki komandanın fanatları arasında mübahisə düşüb. Tərəflər məsələyə aydınlıq gətirmək üçün stadiondan kənara çıxıblar. Bu zaman “Səbail”in tərəfdarlarından biri bıçaqla “Kəpəz” fanatına xəsartə yetirib.

Qarın boşluğundan xəsarət alan azarkeş dərhal 1 saylı Kliniki Tibbi Mərkəz çatdırılıb. Hadisə ilə bağlı cinayət işi açılıb.

Qeyd edək ki, “Səbail” - “Kəpəz” matçı Bakı klubunun 1:0 hesablı qələbəsi ilə başa çatıb.

Teqlər
Oxumağa davam et
Reklam
Reklam

Gündəm