Paytaxtda qətl törədən şəxs saxlanıldı - YENİLƏNDİ

Bakının Nizami rayonunda Zamanov Rasim Fəxrəddin oğlunu qətlə yetirməkdə şübhəli bilinən R.Zamanovun qayını 1980-ci təvəllüdlü Həsrətov Həsən Məmməd oğlu polis əməkdaşları tərəfindən saxlanılıb.

Bu barədə Publika.az-a Daxili İşlər Nazirliyindən bildirilib.

Xatırladaq ki, hadisə dekabrın 2-də gecə saatlarında qeydə alınıb.

xxx

01:16

Bakının Nizami rayonunda baş vermiş qətl hadisəsinin təfərrüatı məlum olub.

Publika.az xəbər verir ki, 1978-ci il təvəllüdlü Rasim Zamanov çoxsaylı bıçaq zərbələri ilə qətlə yetirilib.

Ailə üzvlərindən aldığımız məlumata görə, qətli R. Zamanovun yeznəsi törədib.

Bildirilib ki, mübahisə mülk üstündə yaranıb.

xxx

00:19

Dekabrın 2-də saat 23:45 radələrində Nizami rayonu Qara Qarayev prospektində 1978-ci il təvəllüdlü Zamanov Rasim Fəxrəddin oğlunun kəsilmiş-deşilmiş xəsarətlərdən ölməsi barədə polisə məlumat daxil olub.

Bu barədə Publika.az-a Daxili İşlər Nazirliyinin mətbuat xidmətindən bildirilib.

Qeyd olunub ki, cinayət əməlini törətməkdə şübhəli bilinən şəxsin, yaxud şəxslərin saxlanması istiqamətində polis əməkdaşları tərəfindən tədbirlər görülür.