Dəb

Cennifer Lopez MÖHTƏŞƏM GƏLİNLİKDƏ - FOTO

21 Avqust 2022 13:22

Xəbər verdiyimiz kimi, Hollivud ulduzları Cennifer Lopez və Ben Afflekin dünən təmtəraqlı toyu olub.

Publika.az xəbər verir ki, aktyorun Corciya ştatındakı villasında baş tutan toydan yeni kadrlar yayılıb.

Fotolardan görünür ki, qonaqlara toyun üçün ənənəvi olmayan dress-kod qoyulub. Məclisə hamı ağ libasda təşrif buyurub.

Cütlüyün ailə üzvləri ilə yanaşı toyda Mett Damon və həyat yoldaşı Luciana Barroso, rejissor Kevin Smit, aktyor Ceyson Meues və başqaları iştirak ediblər.

Ən gözlənilən məqam əlbəttə ki, Cenniferin gəlinliyi idi. Ulduzun möhtəşəm libası "Ralph Louren" moda evinə aiddir. Lakin gəlinlik Amerikada deyil, İtaliyada hazırlanıb. Bundan başqa müğənni ilə moda evi müqavilə bağladığı üçün bu barədə danışmaq hələlik qadağan olunub.

Şayiələrə görə, toydan eksklüziv fotolar Amerikanın “Vogue” jurnalına satılıb – və dərc olunana qədər J.Lo-nun geyimi haqqında danışmaq mümkün deyil.