Dəb

Ulduzlar dəbdəbəli ziyafət libaslarında - FOTO

6 Fevral 2023 22:00

Xəbər verdiyimiz kimi, bu gecə Las-Veqasda 65-ci Qremmi mükafatlandırma mərasimi keçirilib.

Publika.az xəbər verir ki, tədbirdə Beyons, Cennifer Lopez, Adel, Paris Hilton, Teylor Svift, Qarri Staylz, Haydi Klum, Sem Smit, Kardi Bi və başqaları iştirak edib.

Mükafatın əsas qalibləri - Beyons və Adel mərasimdən əvvəl qırmızı xalça üzərinə çıxmayıblar. Beyons tıxac səbəbindən tədbirə gecikib, sevgilisi Riç Paul ilə birlikdə gələn Adel isə sakitcə öz masasına doğru gedib.

Bir çox mükafata layiq görülən Beyons səhnəyə "Gucci" imzalı gümüşü geyimdə çıxıb. Gecənin əsas ulduzu daha sonra yerə qədər uzanan qara məxmər paltar geyinib. O, hər iki obrazını uzun qara əlcəklərlə tamamlayıb.

Teylor Svift "Roberto Cavalli"dən tünd göy libas seçib, Adel isə "Louis Vuitton"dan olan qırmızı məxmər paltarını "Tiffany & Co."nun zinət əşyaları ilə tamamlayıb.