Baharın əsas rəngi YAŞIL OLACAQ - FOTO

"Pantone" Rəng İnstitutu hər mövsümün trend rəngləri açıqlamasına baxmayaraq, brendlərin yaz-yay kolleksiyalarında siz daha parlaq və dəbli çalarlar tapa bilərsiniz.

Publika.az xəbər verir ki, bu yaz laym yaşılı ən çox dəbdə olan rənglərdən biri olacaq. Yaşılın bu şən kölgəsi moda arenasında olduqca darıxdırıcı çalarları əvəz edə və mövsümün ən aktual rəngləri siyahısına daxil ola bilib.

Dizaynerlər ilk növbədə obrazda yeganə parlaq rəng kimi laym tonlarından istifadə etməyi məsləhət görür. Biz bu nümunəni podiumlarda da görə bilərik. Məsələn, Viktoriya Bekhemin yaz-yay kolleksiyasında Bella Hadidlə Kendal Jenner podiuma eyni rəngli geyimlərdə çıxdı. Paltarın özü olduqca sadə olsa da, rəng sayəsində çox təsirli bir görünüş yaradır.

"Prada" moda evinin kolleksiyasında isə yaşıl ancaq aksessuarlarda qarşımıza çıxır.

Oxşar nümunələri həm lüks, həm də demokratik brendlərin kolleksiyalarında görmək olar. Ümumilikdə bu tonun başqa bir parlaq rənglə birləşməsini görmək imkansızdır. Dizaynerlər ya tamamilə monoxrom obrazlara üstünlük veriblər, ya da yaşıl rəngi qara və ağla uzlaşdırmağa çalışıblar.

Bununla belə, əgər siz rəngləri birləşdirməyi sevirsinizsə, sınaq keçirə bilərsiniz. Əsas çaları yaşılın fərqli tonları, pastel kimi daha sakit və yumşaq, ya da mavi, sarı və ya narıncı kimi ziddiyyətli rənglərlə qarışdırmaq olar.