Yaponiyanın Okinava bölgəsində yerləşən tarixi Şuri qalası yanıb.
Publika.az xəbər verir ki, bu barədə “Kyodo” agentliyi informasiya yayıb.
Xəbərə görə, hadisə yerli vaxtla saat 02:40-da baş verib.
Əsas binadan başlayan yanğın ətrafdakı digər taxta tikililərə də sürətlə yayılıb. Alovun qarşısını yalnız 13:30-da almaq mümkün olub. Yanğınsöndürmə briqadaları “Seiden” adlı əsas bina ilə yanaşı, “Hokuden” şimal binası və “Nanden” cənub binasının kül olduğunu bildirib. Ümumilikdə isə yanğın zamanı 7 bina zərər çəkib. Yaponiya hökumətinin baş katibi Yosihide Suqa mətbuata açıqlamasında qalanı yenidən inşa etmək üçün əllərindən gələni edəcəklərini açıqlayıb.
Hadisə zamanı ölən və yaralanan olmayıb. Məbəddən 30-a yaxın insan təxliyə edilib.
Səbəblər araşdırılır.
Qeyd edək ki, Şuri qalası 2000-ci ildə BMT-nin Təhsil, Elm və Mədəniyyət Təşkilatının (UNESCO) "Dünya mədəni irsi" siyahısına salınıb. Qala Ryukyu Krallığı dövründə (500 il əvvəl), eyni zamanda İkinci Dünya Müharibəsi zamanı ciddi zərər görmüşdü. Sonradan restavrasiya edilərək milli park kimi fəaliyyətə başlamışdı.
.jpg)
.jpg)
.jpg)
