Dünya

Üç cüt qanad: Təyyarələrin yeni nəsli gəlir - FOTO

31 May 2021 07:17

ABŞ-ın Alabama ştatında yerləşən “Super Efficient Aeronautics” startapı tamamilə yeni genişgöyərtəli təyyarə konseptini təqdim edib.

Publika.az xəbər verir ki, bu barədə “SE Aeronautics”dən bildirilib.

Qeyd edilib ki, 3 cüt qanada malik SE200 təyyarəsi havaya ənənəvi təyyarələrə nisbətən 80% az karbon qazı buraxacaq. Hələ ki, ancaq kompüter qrafikası şəklində olan təyyarənin 264 sərnişin daşıyacağı, səs sürətinə yaxın 0,9 max (1100 km/saat) sürətə və 17 min kilometr uçuş radiusuna malik olacağı deyilir.

O, bütün parametrlərinə görə hazırkı analoqlarını üstələyir. Əsas fərqlərindən biri isə yanacağı 70% az işlədəcəyidir. Üç cüt qanaddan əlavə, təyyarənin quyruq konstruksiyası da fərqli olacaq. O, qısa uçuş-eniş zolaqlarına da eniş-qalxa biləcək.

Quruluşunda kompozit materiallardan istifadə olunması SE200-ün tikilmə vaxtını iki dəfə azaldacaq.

Təyyarənin ilk nümunəsinin nə vaxta hazır olacağı haqda startap heç bir məlumat verməyib. / "Virtual"