Mobil telefonlar görün nə ilə əvəzlənəcək

Mobil telefonlar elektron döymələrlə əvəz oluna bilər. Belə ki, dəridə edilən elektron tatular tibbi məlumatları toplayıb idarə edə biləcək.

Publika.az xəbər verir ki, bu proqnozla “Microsoft” şirkətinin qurucusu Bill Qeyts çıxış edib.

Milyarder bildirib ki, hazırlanmaqda olan bu cihaz yeni texnoloji fenomen olacaq və əlavə heç bir vasitədən istifadə etmədən qan təzyiqini, ürək döyüntüsünü, qanda oksigen dərəcəsini ölçəcək, həmçinin mobil telefonların funksiyalarına malik olacaq.

“Adi tatudan fərqli olaraq, burada çernildən əlavə, çiplərdən və elektrik istehsal edən nanotexnologiyalardan istifadə olunacaq. “Chaotic Moon Studios” tərəfindən yaradılan bu döymələr insan təhlükədə olduğu zaman həkimə yardım siqnalları göndərə biləcək. İldə 1 dəfə həkimin konsultasiyasına yazılmaq əvəzinə, bədənə ildə 1 dəfə vurulan bu tatu orqanizmin vəziyyətini nəzarətdə saxlayacaq və məlumatları həkimə göndərəcək.Narahatlığa səbəb olduqda ekspertlər sizinlə əlaqə saxlayacaqlar” - Qeyts vurğulayıb.