Dünya

Rusiyada GİZLİ SƏFƏRBƏRLİK BAŞLADI: Putin muzdluları Ukraynaya göndərir

17 Mart 2022 12:01

Rusiyada gizli səfərbərlik aparılır və Ukrayna ilə müharibədə iştirak etmək üçün özəl hərbi strukturlara muzdlular cəlb edilir.

Publika.az xəbər verir ki, bu barədə Ukrayna Milli Təhlükəsizlik, Müdafiə və Kəşfiyyat Komitəsinin üzvü, deputat Fyodor Venislavski bildirib.

“Açıq və ya ümumi səfərbərlik yoxdur, gizli səfərbərlik var. Onlara (muzdlulara - red.) vəd olunan maaşların səviyyəsi sırf pul uğrunda döyüşməyə hazır olanları qane etmir. Biz bunu başa düşürük. Və bu muzdlular onları nəyin gözlədiyini yaxşı bilirlər. Çünki onlar nə qədər real itkilər olduğunu anlayırlar və Ukraynaya qarşı müharibədə iştirak etməkdən çox çəkinirlər”. - Venislavski qeyd edib.

O bildirib ki, yaxın günlərdə və ya həftələrdə “dönüş nöqtəsi” olacaq: “Ruslar real itkilərinin sayından xəbərdardırlar. Və bu, hər gün artan sanksiyalarla yanaşı, beynəlxalq məhkəmə qərarları ilə birlikdə onlara təsir göstərə bilər”.