Muzdlular BUNA GÖRƏ Ukraynaya gəlirlər - Kəşfiyyatdan ŞOK

Suriyalı muzdluların bir hissəsi Rusiya tərəfində müharibədə iştirakını növbəti fərarilik və Avropa İttifaqı ölkələrinə qeyri-qanuni miqrasiya üçün şans kimi qiymətləndirir.

Publika.az xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsindən bildirilib.

Rusiyanın Suriyadakı Xmeymim hərbi bazasının komandanlığına hər gün Ukraynaya 300-ə qədər muzdlu göndərmək tapşırılıb. Martın 15-də Ukraynaya qarşı döyüşlərdə iştirak etmək üçün artıq 150 muzdlu Rusiyaya göndərilib.

Ukrayna hərbi kəşfiyyatının məlumatına görə, yaxın gələcəkdə Rusiya ordusunu təmin etmək üçün Suriyadan Rusiya və Belarusa silah, hərbi texnika və digər resursların daşınması da planlaşdırılır.

Ümumilikdə Suriya Prezidenti Bəşər Əsəd Rusiyaya Ukraynadakı müharibə üçün 40 min döyüşçünün göndəriləcəyini vəd edib.

İşə götürmə zamanı muzdlulara işğal olunmuş ərazilərdə asayişi bərpa etmək üçün müstəsna olaraq polis funksiyalarını yerinə yetirəcəkləri vəd edilib. Lakin sonradan muzdlular arasında Ukrayna ordusuna qarşı döyüşlərdə iştirak edəcəkləri barədə məlumatlar yayılmağa başlayıb.