Rusiya 3 həftədə 5 generalını itirdi

Fevralın 24-dən martın 18-dək Ukrayna Silahlı Qüvvələri 5 rus generalını məhv edib.

Publika.az">Publika.az xəbər verir ki, bunu Ukrayna Daxili İşlər nazirinin müşaviri Vadim Denisenko bildirib.

O əlavə edib ki, hətta İkinci Dünya müharibəsi zamanı Sovet İttifaqı 3 həftə ərzində 5 generalını itirməyib.

Ukraynada məhv edilən generalların siyahısını təqdim edirik:

1. Maqomed Tuşayev - General-mayor, Kadırovun Kiyevə göndərdiyi “silahdaşıdır”. Fevralın 26-da Qostomel yaxınlığında öldürülüb;

2. Vitali Gerasimov - Rusiya Mərkəzi Hərbi Dairəsinin 41-ci Ordusunun general-mayoru, qərargah rəisi və komandanının birinci müavini. Xarkov müdafiəçiləri tərəfindən martın 7-də öldürülüb;

3. Andrey Kolesnikov - General-mayor, Rusiya Federasiyası Şərq Hərbi Dairəsinin 29-cu Ordusunun komandanı. Daxili İşlər Nazirliyi rəhbərinin müşaviri Anton Geraşenko onun məhvi ilə bağlı martın 11-də məlumat verib;

4. Oleq Mityaev - General-mayor, elit 150-ci motoatıcı diviziyasının komandiri olub. Martın 15-də “Azov” alayı tərəfindən məhv edilib. Mariupol əhalisinin ölümünə görə məsuliyyət daşıyan onun qrupudur;

5. Andrey Mordviç - General-leytenant, Rusiya Federasiyasının Cənub Hərbi Dairəsinin 8-ci Ordusunun komandiri. Martın 19-da Çornobayivkada öldürülüb.